“Renault” Formula 1-i tərk etməsi xəbərlərini təkzib edib | |
“Renault” mənsub olduğu eyniadlı konsernin şəxsən Fransa Prezidenti Emmanuel Makron tərəfindən namizədliyi irəli sürülmüş yeni rəhbəri Klotild Delbonun onun zavod komandası qismində Formula 1 çempionatında iştirakının əleyhinə olduğu xəbərlərini təkzib edib. Komandanın rəhbərliyi bu cür şayiələrin kollektivdə qeyri-sabitlik yaradılması üçün yayıldığını söyləyib. Əlavə edilib ki, 2020-ci ilin maşını üzərində işlər planauyğun şəkildə aparılır. 2019-cu il mövsümünün başa çatmasına iki mərhələ qalmış “Renault” 83 xalla Konstruktorlar Kubokunda beşinci yeri tutur. Komanda “McLaren”dən 38 xal geridə, “Racing Point”dan isə 18 xal irəlidədir. Formula 1 çempionatının növbəti mərhələsi – Braziliya Qran-Prisi noyabrın 15-dən 17-dək keçiriləcək. AZƏRTAC |
|
Xəbər 784 dəfə oxundu. |
|
|