Azərbaycanlı sumoçu Ər-Riyadda keçirilən ümumdünya etno festivalında bürünc medal qazanıb

Səudiyyə Ərəbistanın paytaxtı Ər-Riyadda keçirilən ümumdünya etno festivalında azərbaycanlı idmançı Vasif Səfərbəyov bürünc medal qazanıb. İdmançımız milli güləş idmanı üzrə mütləq dünya çempionatında fəxri kürsünün üçüncü pilləsinə yüksəlib. Çempionatda 27 ölkənin hər birindən bir idmançı iştirak edib. Vasif Səfərbəyov Boliviya, Hindistan və Qırğızıstan idmançılarına qalib gələrək yarımfinala yüksəlib. Yarımfinalda isə Monqolustan idmançısına məğlub olan təmsilçimiz bürünc medalla kifayətlənib. Görüşlərin idarə olunmasında ölkəmizi Məmmədvəli Mustafayev, Rəsul Həsənov və Fikrət Məlikov təmsil edirlər. Yarışlara 90 ölkədən 3 mindən çox idmançı qatılıb. Çempionatda azərbaycanlı sumoçular mütləq çəki dərəcələrində mas-reslinq və ənənəvi güləş üzrə yarışlarda mübarizə aparırlar. AZƏRTAC

Xəbər 798 dəfə oxundu.