"Sloveniya-2018": Azərbaycan millisi dörddəbir finalda Portuqaliya yığması ilə qarşılaşacaq

Sloveniyanın Lyublyana şəhərində təşkil edilən futzal üzrə Avropa çempionatının final mərhələsində iştirak edən Azərbaycan millisi fevralın 4-də "D" qrupunda sonuncu oyununu keçirib. "Stojice Arena"da İspaniya ilə qarşılaşan komandamız 0:1 hesabı ilə məğlub olub. İlk oyunda Fransa yığmasına 5:3 hesabı ilə qalib gələn millimiz mübarizəni dörddəbir final mərhələsində davam etdirəcək. Komandamızın rəqibi Portuqaliya millisi olacaq. Bu mərhələnin oyunları fevralın 6-da keçiriləcək.

Xəbər 779 dəfə oxundu.