Ramin Musayev növbəti dəfə Peşəkar Futbol Liqasının prezidenti seçilib

İyulun 5-də AFFA-nın inzibati binasında Peşəkar Futbol Liqasının (PFL) prezidenti vəzifəsinə növbəti seçkilər keçirilib. Bu, 2008-ci ildə yaranan qurumda üçüncü belə seçkidir. Fəaliyyətə başladığı ildən PFL-ə başçılıq edən Ramin Musayev seçkidə yeganə namizəd olub. Nəticədə rəqibi olmayan R. Musayev PFL-in prezidenti vəzifəsinə növbəti dəfə seçilib. Seçkinin nəticəsinə görə, o, qarşıdakı 4 ildə quruma rəhbərlik edəcək. Qeyd edək ki, 53 yaşlı R. Musayev PFL prezidenti seçilməzdən öncə “Neftçi” klubunun vitse-prezidenti vəzifəsində çalışıb.

Xəbər 825 dəfə oxundu.