“Şahdağ” klubunun gənc futbolçuları Azərbaycanı “Dostluq üçün futbol” beynəlxalq proqramında təmsil edəcək

Azərbaycan 2016-cı ildə ilk dəfə olaraq fundamental dünya dəyərlər bərabərliyi, ədalət və tolerantlıq beynəlxalq təşəbbüsünə – “Dostluq üçün futbol” beynəlxalq uşaq sosial proqramında iştiraka qoşulub. Bu proqramı “Uşaqlar üçün Qazprom” sosial proqramı çərçivəsində UEFA Çempionlar Liqasının rəsmi tərəfdaşı olan “Qazprom” İSC həyata keçirir. “Dostluq üçün futbol” dünya futbolunun əfsanəsi olan Frans Bekkenbauerin himayəsi altında həyata keçirilir. Milli futbol tarixində ilk dəfə olaraq proqramda iştirak etmək üçün Azərbaycanı “Şahdağ” Futbol Klubunun uşaq futbol komandası (Qusar şəhəri) təmsil edəcək. Klub futbol üzrə Azərbaycanın birinci divizionunda çıxış edir. “Şahdağ” FK-nın yetirmələri müxtəlif illərdə Azərbaycanın milli yığmasında oynayıblar və bu gün də oynamaqda davam edirlər. “Dostluq üçün futbol” proqram uşaq futbolunun inkişafına, gənclik idmanının və sağlam həyat tərzinin populyarlaşdırılmasına, eləcə də müxtəlif ölkələrdən olan uşaqlarda tolerantlığın tərbiyəsinə və onlar arasında dostluğun inkişafına yönəlib. Proqramın aparıcı dəyərlərinə: dostluq, bərabərlik, ədalət, sağlamlıq, əmin-amanlıq, sədaqət, qələbə, adət-ənənə və dürüstlük daxildir. “Şahdağ” FK uzun illərdir ki, bu istiqamətdə fəal işlər apararaq ölkənin futbol elitasının tərbiyə olunmasında və hazırlanmasında lider kimi tanınıb. “Komandamızın “Dostluq üçün futbol” kimi beynəlxalq futbol layihəsində iştirak etməsi “Şahdağ” klubu üçün böyük şərəfdir. Əminik ki, bu hadisə gənc futbolçuların həyatında daha parlaq və yaddaqalan olacaq. Ən vacibi də odur ki, “Dostluq üçün futbol” sosial layihəsinin istiqaməti klubumuzun fəlsəfəsinin inkişafına yaxındır. Bizim üçün yalnız peşəkar futbolçular deyil, ən başlıcası layiqli Azərbaycan vətəndaşları yetişdirməkdir. Biz, layihənin irəli sürdüyü: dostluq, bərabərlik, ədalət, sağlamlıq, əmin-amanlıq, sədaqət, qələbə, adət-ənənə və dürüstlük kimi aparıcı dəyərləri tamamilə dəstəkləyirik. Və əminik ki, Azərbaycanın bu cür mötəbər sosial layihədə iştirakı ölkənin gənc futbolçularının inkişafı üçün vacib addım olacaq”, - deyə “Şahdağ” futbol klubunun prezidenti Ərəstun Niftiyev qeyd edib. İldən-ilə proqramda iştirak edənlərin sayı artır və bu mövsümü tam əminliklə qlobal adlandırmaq olar. Ölkəmizin gənc futbolçuları 31 ölkənin: Avstriya, Əlcəzair, Argentina, Belarus, Belçika, Braziliya, Bolqarıstan, Böyük Britaniya, Macarıstan, Vyetnam, Almaniya, İspaniya, İtaliya, Qazaxıstan, Qırğızıstan, Çin, Hollandiya, Polşa, Rusiya, Serbiya, Suriya, Slovakiya, Sloveniya, Türkiyə, Ukrayna, Fransa, Xorvatiya, Çexiya, İsveçrə və Yaponiyanın qatıldığı proqramda iştirak edəcəklər. “Dostluq üçün futbol” IV Beynəlxalq Uşaq Forumu 2016-cı ilin 26-28 may tarixlərində keçiriləcək. Hər il proqramın əsas hadisəsi olan beynəlxalq uşaq forumuna müxtəlif ölkələrin aparıcı futbol klublarından 12-14 yaş arasında olan oyunçular qoşulur. Gənc futbolçular 32 ölkənin iştirakı ilə küçə futbolu üzrə beynəlxalq turnirdə iştirak edəcək, həmçinin digər ölkələrdən olan həmyaşıdları və dünya futbolunun ulduzları ilə ünsiyyət quracaqlar. Həmçinin onlar proqramın əsas səfiri olan – əfsanəvi Frans Bekkenbauerlə görüşəcəklər. Forumun bütün hadisələri KİV vasitəsilə geniş işıqlandırılacaq. Foruma eyni zamanda peşəkar jurnalistlərlə yanaşı, öz komandalarını müşayiət edən 32 iştirakçı ölkədən gənc jurnalistlər də təşrif buyuracaqlar. Onlar üçün Milan şəhərində Beynəlxalq uşaq mətbuat mərkəzi təşkil olunacaq. Tədbirin aparıcı hadisəsi olaraq “Dostluq üçün futbol” proqramına – “Doqquz dəyər” Kubokunun – dünyanın peşəkar futbol klublarından proqramın dəyərlərinə riayət edənlərə xüsusi mükafatın verilməsi olacaq. Forum bitəndən sonra onun iştirakçıları UEFA Çempionlar Liqasının Milanda Giuseppe Meazza (San Siro) stadionunda final oyununa baş çəkəcəklər. “Dostluq üçün futbol” beynəlxalq uşaq proqramı “Qazprom” İSC-nin “Uşaqlar üçün Qazprom” proqramı çərçivəsində həyata keçirilir. Proqramın məqsədi – uşaq futbolunun inkişafı, həmçinin uşaqlarda tolerantlıq və müxtəlif ölkələrin gəncləri arasında dostluğun təşviqi tərbiyəsinə yönəlib. Proqramın aparıcı dəyərlərinə: dostluq, bərabərlik, ədalət, sağlamlıq, əmin-amanlıq, sədaqət, qələbə, adət-ənənə və dürüstlük daxildir. Proqramın əsas hadisəsi “Dostluq üçün futbol” IV Beynəlxalq Uşaq Forumudur ki, buraya müxtəlif ölkələrin aparıcı futbol klublarından 12-14 yaş arasında olan oyunçular qoşulur. İlk forum 2013-cü ilin 25 mayında Londonda keçirilib. “Dostluq üçün futbol” proqramının xüsusi mükafatı – “Doqquz dəyər” Kubokunun verilməsidir. Bu unikal Kubok hər il layihənin dəyərinin həyatına təcəssüm etdirən peşəkar futbol klubuna sosial təşəbbüslərinin həyata keçirilməsi üçün verilir. Qalibləri “Dostluq üçün futbol” proqramında iştirak edən bütün ölkələrin keçirdiyi qlobal səsvermə vasitəsilə gənc səfirlər seçir. “Dostluq üçün futbol” forumu çərçivəsində gənc futbolçular digər ölkələrdən olan həmyaşıdları və dünya futbolunun ulduzları, eləcə də məşhur idmançı və mədəniyyət xadimləri ilə ünsiyyət qura biləcəklər. Sonda forum iştirakçıları UEFA Çempionlar Liqasının final oyununa baş çəkəcəklər. “Qazprom – qlobal enerji şirkətidir. Əsas fəaliyyət istiqamətləri – qazın geoloji kəşfiyyatı, hasilatı, nəqli, saxlanılması, emalı və realizə edilməsidir. Şirkət əsasən Rusiya ərazisində, Afrika, Yaxın Şərq, Avropa, Latın Amerikası, Mərkəzi, Cənubi və Cənub-Şərqi Asiyada fəaliyyət göstərir. “Qazprom” təbii qaz və hasilatının həcmi sahəsində dünyada ən nəhəng şirkətdir. Qazın tədarükünü Rusiya istifadəçiləri və 30-dan çox ölkə həyata keçirir. “Qazprom” fəaliyyət istiqamətini genişləndirməklə yanaşı, həmçinin sosial layihələrə də geniş yer ayırır. Şirkət bir sıra beynəlxalq və ümumrusiya miqyaslı idman təşkilat və tədbirlərinə də dəstək göstərir. Əsasən, “Qazprom” UEFA Çempionlar Liqasının rəsmi tərəfdaşıdır. Bundan əlavə, şirkət UEFA Superkubokunun keçirilməsinə, eləcə də Rusiyanın “Zenit”, Almaniyanın “Şalke-04” və Serbiyanın “Srvena Zvezda” kimi dünya səviyyəli klublara dəstək verir.

Xəbər 812 dəfə oxundu.