Azərbaycanlı qrossmeysterlər Dünya İntellektual Oyunlarında mübarizə aparacaqlar

Bu gün Çinin Xuanşan (Tszyansu) şəhərində Dünya İntellektual Oyunlarının təntənəli açılış mərasimi keçiriləcək. Oyunların proqramında mühüm hissəsini şahmat üzrə yarışlar təşkil edir. Oyunlarda 32 qrossmeyster, o cümlədən 16 kişi və 16 qadın şahmatçı mübarizə aparacaq. Azərbaycanı beynəlxalq qrossmeysterlər Şəhriyar Məmmədyarov (2747) və Rauf Məmmədov (2650) təmsil edəcək. Yarışların reytinq-favoriti Çin təmsilçiləri Din Lijen (2766) və Tszyuy Ventszyundur (2558). Şahmat turniri 3 növdə: rapid (26-27 fevral), blits (28 fevral – 1 mart) və bask (idmançılar eyni vaxtda iki taxtada müxtəlif rəngli fiqurlarla mübarizə aparırlar) növündə (2-3 mart) keçiriləcək. Yarışlar Bakı vaxtı ilə səhər saat 10:00-da başlayır. Dünya İntellektual Oyunlarında 43 ölkədən 143 oyunçu iştirak edir. Şahmat, qo, Çin şahmatı, bric və dama üzrə ən güclülər müəyyən ediləcək.

Xəbər 687 dəfə oxundu.