Azərbaycan cüdoçuları Düsseldorf Qran-prisində çıxış edəcəklər

Cüdo üzrə Azərbaycan milli komandası Almaniyanın Düsseldorf şəhərində təşkil ediləcək Qran-pri yarışına qatılacaq. Turnir fevralın 19-dan 21-dək davam edəcək. Qran-pridə ölkəmizi Orxan Səfərov, İlqar Müşkiyev (hər ikisi 60 kq), Tərlan Kərimov, Hidayət Heydərov (hər ikisi 66 kq), Rüstəm Orucov (73 kq), Əbdülhaqq Rəsullu, Rüstəm Alimli (hər ikisi 81 kq), Məmmədəli Mehdiyev, Şahin Qəhrəmanov (hər ikisi 90 kq), Elmar Qasımov, Elxan Məmmədov (hər ikisi 100 kq), Uşanqi Kokauri (100 kq-dan yuxarı) və Aişə Qurbanlı (48 kq) təmsil edəcəklər. Qeyd edək ki, Düsseldorf Qran-prisi yığmamizın cari mövsümdə bu ad altında iştirak edəcəyi ikinci yarış olacaq. Olimpiya təsnifatı ərəfəsində keçiriləcək sözügedən reytinq turnirində 91 ölkədən 626 cüdoçu mübarizə aparacaq.

Xəbər 772 dəfə oxundu.