Azərbaycan millisinin hücumçusu yüksək qiymət aldı

Türkiyə Superliqasının sonuncu turu çərçivəsində "Sivasspor"un heyətində növbəti matçına çıxan futbol üzrə gənclərdən ibarət Azərbaycan millisinin forvardı Cihan Özqaranın oyunu qiymətləndirilib. İdman.com.az xəbər verir ki, "Bursaspor"la oyunda 9 dəqiqə meydanda olan millimizin üzvünün çıxışı 5 balla layiq görülüb. Türkiyə mətbuatı digər futbolçularla müqayisədə meydanda az olmasına baxmayaraq, Cihana heç də aşağı bal verməyib. Bu da onun matçda komandasına qələbə qazandıran qola imza atması ilə əlaqədardı. Qeyd edək ki, "Bursaspor" - "Sivasspor" oyunu 1:2 hesabı ilə qonaqların xeyrinə başa çatıb. Millimizin forvardı 88-ci dəqiqəsində penalti zərbəsini dəqiq yerinə yetirməklə diqqət mərkəzinə düşüb.

Xəbər 1122 dəfə oxundu.