Van Qal: "Bizi məğlub etmək çətindir"

"Komandam hazırdır. Biz üç həftədir bir yerdəyik və İspaniya millisinə qarşı necə oynamalı olduğumuzu planlaşdırırıq. Ancaq yaxşı bilirik ki, İspaniya hazırda dünya reytinqində birinci, biz isə 15-ci pillədəyik. Bu komandalar arasında fərqin olduğunu göstərir". Bu sözləri Hollandiya yığmasının baş məşqçisi Lui van Qal FİFA-nın rəsmi saytına açıqlamasında deyib. "DÇ-2014"də İspaniya millisi ilə qarşılaşacaq "narıncılar"ın çalışdırıcısı bu oyunda komandasının qələbə qazanmaq şansının olduğunu bildirib: "Düşünürəm ki, bizi məğlub etmək çətindir. Bunu futbolçularıma da çatdırmaq istəyirəm. Aydın məsələdir ki, rəqib öz oyununu göstərməyə çalışdığı vaxtda bizim də qələbə qazanmaq şansımız olacaq. 4 il öncə dünya çempionatının finalını xatırlayırıq. Həmin oyunda Aryen Robben hesabı açsaydı, qalib biz olardıq". Qeyd edək ki, İspaniya - Hollandiya oyunu bu gecə, Bakı vaxtı ilə saat 00:00-da başlayacaq.

Xəbər 1010 dəfə oxundu.