"Qalatasaray" - "Yuventus" matçına bilet qalmadı

Çempionlar Liqasının qrup mərhələsinin son oyununda "Yuventus"u qəbul edəcək "Qalatasaray"a azarkeşlərin böyük dəstəyi olacaq. Artıq "Türk Telekom Arena"da baş tutacaq qarşılaşma üçün satışa çıxarılan 10 min 24 biletin hamısı 5 gün ərzində alınıb. Qeyd edək ki, 52 mindən çox azarkeşi tutumu olan "Türk Telekom Arena"da trunalardakı yerlərin böyük əksəriyyəti mövsümün əvvəlindən abonementlə alınıb. “Yuventus”la matçın mövsümün ən çox azarkeş sayı olan oyun olacağı gözlənilir. Qeyd edək ki, "Qalatasaray" - "Yuventus" görüşü dekabrın 10-u baş tutacaq. “Qalatasaray” qrupda ikinci yeri tutub ÇL-in pley-off mərhələsinə vəsiqə qazanmaq istəyirsə, bu qarşılaşmada mütləq qalib gəlməlidir.

Xəbər 819 dəfə oxundu.